大武山文學創作協會的部落格

幸福的台灣囡仔              /    劉佩桂

        （全部學生一爿唱一爿跳）天烏烏，欲落雨，阿公仔gia̍h鋤頭欲掘芋，掘啊

掘，掘啊掘，掘到一尾suan-liu-kóo，咿呀嘿都真正趣味，阿公仔欲煮鹹，阿媽欲煮汫，兩個相拍挵破鼎*2，咿呀嘿都啷噹叱噹嗆！哇哈哈！哇哈哈！哇哈哈！

        （軒、琴）：恁敢知影，是按怎阿公阿媽會相拍甲挵破鼎？

        （男生）：因為阿公仔欲煮鹹。

        （女生）：阿媽仔欲煮汫。

        （全）兩個毋才會相拍來挵破鼎。

        （軒）嗯！我咧想～～

        （全）想啥物？

        （軒）in兜的鼎一定毋是台灣製的，毋才會遮呢兩光！

        （琴）巧喔！你哪會知影Made in Taiwan 是世界第一讚的品牌？

         ( 全）唉唷！這啊著閣講，台灣品牌MIT，世界無敵無底比！

            台灣製品上實在，行銷世界人人愛啊！人人愛！

       （軒）講實在的，只要是咱台灣製作的，毋管是眠床、布廚抑是膨椅，鼎ue-á、茶鈷抑是煎匙，閣

                  有電視、冰箱佮洗衫機，逐項都堅固閣實在，美觀兼耐用。

       （琴），猶閣有，猶閣有，你看，你佮我嘛是台灣製的，毋才會遮呢仔優秀，遮呢仔古錐閣有人

                  緣呢！

       （全）：嘿！嘿！好哩佳哉，阮嘛攏是百分之百正港的台灣囡仔。

        （如意）：Tshám啊！tshám（慘）啊！代誌大條囉！

    （客語）麼个事情恁緊張呢？

        （如意）：唉喲！我毋是百分之百的MIT，恁講是不是代誌大條矣

咧？

      （軒、琴）：啊！妳的意思是講妳是「山寨版」（華語）的台灣囡仔？

      （全）啊！妳毋是台灣囡仔，妳是仿的！

      （台下客串）：會破去喔！

      （如意）：啥物會破去，人阮媽媽是越南人，爸爸是台灣人，毋才講我不是百分之百的MIT。

      （全）原來妳是台灣佮越南合作ê 喔！

      （軒、琴）：這都誠奇怪，（台下客串：偌奇怪）（全：遮奇怪）既然妳毋是百分之百Made in

                             Taiwan，為啥物妳佮阮共款生做這呢古錐閣有氣質咧？

      （全）：Hennh啊 hennh啊，這是啥物道理？

    （如意）：嗯……啊！我知矣！因為我佮恁共款，食--ê是台灣米，lim--ê是台灣水，毋才會生做遮呢

                       媠！（客串：媠喔！媠喔！）而且咱ê 老師m̄但認真教咱冊頂的知識，閣教咱做人的道

                       理，咱隨个仔隨个毋才會……

    （軒、琴）咦～～（三塊板打前奏）有學問、有知識，古錐閣得人疼，乖巧閣有氣質！

    （全）是的！有學問、有知識，古錐閣得人疼，乖巧閣有氣質！止喙焦閣袂礙胃。

     （軒、琴）Tshê（切）～～咱也不是麥仔茶，哪會止喙焦閣袂礙胃？

     （全）歹勢！歹勢！阮傷過頭歡喜，m̄才會講了重tânn--去。

     （軒、琴）講起來咱的媽媽實在有夠巧，會曉共咱生佇台灣，予咱食好、穿好，一切無煩無惱，上

                重要的是，共咱當作心肝寶，共咱惜命命！

      （全）是啊！是啊！咱攏是媽媽的心肝寶貝。

      （軒）啊！閣兩工著是母親節，

      （軒、琴）咱逐家來共媽媽講一寡貼心的話敢好？

      （全）好！

             小朋友的媽媽請上台

             抱著媽媽說一句你想對媽媽說的話